U Rwanda rwaje ku mwanya wa 83 ku rutonde rw'ibihugu bitekanye kurusha ibindi ku isi muri 2021 ruyobowe na Iceland

U Rwanda rwaje ku mwanya wa 83 ku rutonde rw'ibihugu bitekanye kurusha ibindi ku isi. Icyegeranyo cya Global Peace Index (GPI) cyasohowe muri Kamena 2021 cy’ibihugu bifite amahoro ku Isi, ni icya 15 gishyira ku rutonde ibihugu 163 ku Isi hakurikijwe urwego rw’amahoro. 

Afurika ifite ibihugu bitanu ku rutonde rw’ibihugu 10 byiganjemo amakimbirane n’umutekano mucye ku Isi. Kuri uru rutonde wakwita urw’umukara, hagaragaraho ibihugu nka Afghanistan, Yemen, Syria, Sudani y'Epfo (ku mwanya wa 160 ku Isi), Irak, Somalia, Repubulika ya Demokarasi ya Congo, Libya, Repubulika ya Centrafrica n'u Burusiya.

Ibihugu nka Iceland, Nouvelle-Zélande, Danemark, Portugal, Slovenia, Autriche, u Busuwisi, Irlande, Repubulika ya Tchèque na Canada ni byo bihugu 10 bifite amahoro kurusha ibindi ku isi.

Ibihugu byo muri Afurika yo munsi y’Ubutayu bwa Afurika bifite amahoro kurusha ibindi harimo:

Umwanya Igihugu ku Isi

1er Ile Maurice 26e

2e Ghana 38e

3e Botswana 41e

4e Sierra Leone 53e

5e Gambie 43e

6e Sénégal 54e

7e Tanzanie 58e

8e Malawi 59e

9e Guinée Equat. 62e

10e Namibie 65e

Igihugu nk’u Bwongereza cyaje ku mwanya wa 33, mu gihe Leta Zunze Ubumwe za Amerika ziza ku mwanya w’122, hagati ya Azerbaijan na Afurika y’Epfo.

GPI ivuga ko muri rusange abantu batekereza ko Isi igenda itekana. Nk’uko iki cyegeranyo kibigaragaza, 75% by'abatuye Isi bavuze ko bumva bafite umutekano cyangwa batekanye kurusha mu myaka itanu ishize.

Global Peace Index 2021 ranking

U Rwanda ruza ku mwanya wa 83 ku Isi, rukaza ku mwanya wa kabiri mu karere nyuma ya Tanzania, rufite umubare munini w’abantu bumva bafite umutekano muri iki gihe kuruta uko byari bimeze mu myaka itanu ishize nk’uko iki cyegeranyo kibigaragaza.