Musanze: Mutwarasibo yakase ikiganza cya SEDO, akoresheje urukero

Umuyobozi w’isibo (Mutwarasibo) mu Kagari ka Cyabararika, Umurenge wa Muhoza mu Karere ka Musanze yakase ikiganza cy’umuyobozi ushinzwe iterambere n’imibereho y’abaturage (SEDO) Twagirayezu Olivier, akoresheje urukero rukoreshwa mu bwubatsi.

. SEDO w'akagari yagiye kubuza umuturage kubaka nta byangombwa amukata ikiganza

. Mutwarasibo yakase ikiganza SEDO w'akagari wari uje kumubuza kubaka nta byangombwa

Radio Musanze dukesha iyi nkuru ivuga ko kuri uyu wa 11 Kanama 2021, Mutwarasibo w’imyaka 37 y’amavuko yubakaga inzu adafite ibyangombwa bibimwemerera.

SEDO ngo yahageze, abuza Mutwarasibo gukomeza kubaka iyi nzu, undi na we asohokana ibikoresho yubakishaga birimo inyundo n’urukero, arukebesha umukuriye mu kiganza cy’iburyo.

Nk’uko bigaragara mu ifoto, Mutwarasibo yahise atabwa muri yombi, yambikwa amapingu afite ibikoresho yifashishije arwanya SEDO. Amakuru avuga ko afungiwe kuri sitasiyo y’ubugenzacyaha ya Muhoza, mu gihe hakorwa iperereza kuri iki cyaha.