Perezidansi cyangwa ingoro z'abakuru b'ibihugu 10 nziza kurusha izindi muri Afurika n'agaciro kazo - AMAFOTO

Inyubako ikorwamo umukuru w'igihugu ni ikintu kba cyubashywe mu gihugu icyo ari cyose. Ni inyubako yubakanwa ubuhanga ndetse igahabwa ubwiza n'ibindi bikenerwa byose kugirango akazi k'umukuru w'igihugu kagende neza ari yo mpamvu zitwara agatubutse mu iyubakwa no mu kwitabwaho kwazo.

Dore urutonde rw'ingoro 10 z'abakuru b'ibihugu zifite ubwiza ntagereranywa kurusha izindi muri Afurika:

10. State House(Kampala, Uganda)

State House ni ingoro y'umukuru w'igihugu cya Uganda. Yubatse Entebbe ni mu birometero 40 uvuye mu murwa mukuru Kampala. Ni inyubako kandi yakoreshejwe mu kwakira Umwamikazi Elizabeti II ubwo yitabiraga inama y'abakuru b'ibihugu na za guverinoma bigize Commonwealth. Icyo gihe kuyivugurura byatwaye Miliyoni 1.6 by'amadorari ya Amerika. Ni hafi miliyali 1.6 by'amanyarwanda.

9. The Flagstaff House(Accra, Ghana)

Iyi nyubako ifite ishusho yihariye ni yo ikorerwamo kandi ikanaturwamo n'umukuru w'igihugu cya Ghana. Iyi nyubako yubatswe kandi inatahwa ku mugaragaro na perezida John Agyekum Kufuor. Ibikorwa byo kuyubaka byatwahe hagati ya Miliyoni 40 na 50 z'amadorari ya Amerika.

8. Presidential Palace(Nouakchott, Mauritania)

Ni inyubako ihereye mu mugi hagati ikaba yegeranye na amabasage y'abanyamerika muri iki gihugu. Yubatswe n'abubatsi b'abashinwa ikaba ari yo nyubako iteye amabengeza muri uyu mugi.

7. Lavoloha Palace(Antananarivo, Madagascar)

Ni inyubako isa n'iyitaruye ikaba iri munsi y'agasozi gateyeho ibiti byinshi. Iherereye mu birometero 15 mu magepfo ya Antananarivo.

6. Union Buildings(Pretoria, South Africa)

Union Buildings ni inyubako imeze nk'insengero za kera. Yubatse ahirengeye mu mugi wa Pretoria. Iyi nyubako ikoreramo abagize guverinoma, Perezida wa Afurika y'epfo ndetse n'ishami rishinzwe ububanyi n'amahanga.

5. The Unity Palace(Yaounde , Cameroon)

Ni inyubako igaragaza inkingi nyinshi zifashe inkuta zayo. Iherereye mu gace ka Etoudi mu murwa mukuru Yaounde.

4. Presidential Palace(Dakar, Senegar)

Ni inyubako yubatswe mu 1902 mu gihe cy'ubukoroni. Yubatse ahantu hashashe neza ikaba iri mu nyubako zubatse ahantu hateye neza cyane muri Afurika.

3. Presidential Palace(Khartoum, Sudan)

Iyi nyubako izwi kandi nka Gordon's Palace. Ni inyubako y'amateka. Iri zina rya Gordon's palace irikomora kuri guverineri w'umwongereza, Gen. Charles Gordon wari unatuye muri iyi nyubako. Uyu mugabo yaje kwicwa aciwe  umutwe taliki ya 26 Mutarama 1985.  Iyi nyubako yakomeje guturwamo n'umukuru w'igihugu cya Sudan gusa yaje kuvugururwa mu mwaka wa 2015 ifungurwa ku mugaragaro ku itariki imwe n'iyo Gen. Gordon yaciriweho umutwe.

2. State House of Namibia(Windhoek, Namibia)

Ni inyubako yubatse ahirengeye ikaba ikikijwe n'imihanda ifite uburebure bw'ibirometero 2, ibirahure bitabona ku buso bwa hectar 25 zose. Bivugwa ko yatwaye miliyoni 400 z'amadorari akoreshwa muri Namibia ndetse ikambara amezi 66 kugirango yuzure.

1. Abdeen Palace(Cairo, Egypt)

Ni inyubako y'amateka ndetse ifatwa nk'ingoro ihenze kurusha izindi ku isi. Iratatse cyane kandi ifite amasaha menshia agiye amanitse mu nguni zitangukanye kandi amenshi muri yo akaba akoze muri zahabu z'umwimerere. Ni ingoro kandi yatuwemo umwami kugeza ubwami buvuyeho muri iki gihugu mu mwaka w'1952. Ifiite ibyumba 500 ikaba ikorerwamo ikanaturwamo na perezida wa Misiri.