Hagiye gushyirwa hanze imodoka y'akataraboneka ifite imbere hameze nka hotel y'inyenyeri nyinshi izagura miliyari zisaga 2RWF - AMAFOTO

Uruganda rushya rw’imodoka mu Budage, Dembell, rugiye gushyira hanze imodoka y'akataraboneka kandi ihenze cyane ikazaba iteye nka hotel yo ku rwego rwo hejuru kuko izaba irimo uburiri bungana nk'ubwo umwami, n'igarage rinini cyane.

Iyi modoka ikoresha chassis ya Benz Mercedes ndetse imbere hayo hakaba haratunganyijwe n'Azimut Yachts.

Iyi modoka kandi izaba irimo ibikoresho binyuranye byo mu gikoni nk'ifuru,imashini yoza ibyombo, imashini ishyushya ibiryo(microwave), imashini ikonjesha(fridge), ndetse n'icyumba cy'imyidagaduro.

Izaba ikozwe mu buryo burengera ibidukikije aho ifite ibyuma bitanga amashanyarazi aturuka ku zuba biri ku gisenge cyayo, ikigega cy'amazi meza cya litiro 270 ndetse na moteri itanga ingufu z'amashanyarazi.

Mu cyumba cy'imbere cyayo harimo intebe 4 nziza cyane kandi zifite ubushobozi bwo gukorera massage abazicyayemo ndetse n'icyumba cyo kuraramo gifite uburiri bwa metero 1.68 z'ubugari kuri 1.91 z'uburebure.

Igice cy'imbere kirimo intebe 2 z'abashofere ndetse n'imyanya 3 y'abagenzi kongeraho icyumba kirimo uburiri bwiza cyane.

Kugirango ibi bikwirwemo iki cyumba gifite ubushobozi bwo gusa n'igisohoka mu modoka igihe umuntu agiye kuryama cyangwa kwicara muri ziriya ntebe.

Ku ruhande rw'inyuma naho hari icyumba kirimo igitanda kiza cyane gifite metero 1.9x2(King-size bed) na television ya inch 55.

Icyumba cy'inyuma n'uburiri bukirimo

Ifite kandi ubwiherero bwiza cyane ndetse n'ubwogero butangaje.

Ubwiherero + Ubwiyuhagiriro bitagira uko bisa

Aho gufatira icyo kurya

Dembell ivuga ko izamurika iyi modoka ku mugaragaro kuwa 27 Kanama 2021 aho kugeza ubu igiciro nyakuri cyayo kitaramenyekana ariko urubuga rwitwa Luxary launch rukaba rwamaze kuvuga ko ishobora kuzagurishwa miliyoni 2 z'amadorari ya Amerika ni ukuvuga asaga miliyari 2 z'amanyarwanda.

src: dailymail.