Afganistan: Abatalibani barashinja abanyamerika gusahura ubwenge bwa Afghanistan babujyana mu mahanga

Umutwe witwaje intwaro w’Abatalibani umaze iminsi 9 ufashe ubutegetsi bwa Afghanistan urashinja ingabo za Leta Zunze Ubumwe za Amerika (USA) guhungisha abahanga.

Zabihullah Mujahid uvugira Abatalibani mu kiganiro yagiranye n’itangazamakuru kuri uyu wa 24 Kanama 2021 yavuze ko iri guhungisha abarimo ba enjenyeri (engineers) na ba dogiteri (doctors).

Mujahid yasabye iki gihugu guhagarika gutwara abahanga, kuko Afghanistan ibakeneye. Yagize ati: “Turabasaba kubihagarika. Iki gihugu ubuhanga bwabo. Ntabwo bakwiye kujyanwa mu bindi bihugu.”

Abatalibani bafashe ubutegetsi tariki ya 15 Kanama 2021. Icyo gihe Perezida wa Afghanistan yahise ahunga, abaturage benshi biganjemo abanyamahanga nabo batangira kubyiganira ku kibuga cya Kabul, bashaka guhungira muri ibi bihugu.

Abanyamerika, abanyamahanga bifuza kuva muri Afghanistan hamwe n’abanya-Afghanistan biganjemo abatiyumvamo ubutegetsi bw’Abatalibani ni bo ingabo za USA ziri gufasha guhunga.