Umuganga avuga ko yicuza kuba yarafashe urukingo rwa Covid-19. Iyumvire ibyamubayeho

Hasanzwe habaho impaka ku bijyanye n'inkingo za Covid-19 aho abazihabwa bemera ko zibongerera amahirwe yo kutazahazwa n'iyi virus igihe bayanduye naho abazirwanya bakemeza ko zizagira ingaruka zikomeye ku bazihawe ndetse ko nta n'ubushobozi bwo kurinda zifiite.

Abakoze inkingo ndetse na za Leta zinyuranye bemeza ko abazihabwa baba bafite amahirwe yikubye incuro 20 yo kudapfa bazize covid-19.

Gusa Timm Joe inzobere mu byerekeranye n'imiti yongeye kubyutsa impaka zikomeye bitewe n'ubutumwa yashyize kuri twitter aho yavuze ko yahawe urukingo rwa Pfizer agasaba ko abatarakingirwa baba babihagaritse kubera ko nawe yicuza kuba yarakingiwe.

Yagize ati: "Ntarakingirwa nibwiraga ko ninkingirwa ntazarwara covid-19 gusa kuva nafata urukingo maze kuyirwara 2 kose kandi hari n'izindi ndwara nsigaye ndwara ntarwaraga."

Akomeza avuga ko kuva yafata urukingo rwe rwa kabiri nta kindi yigeze abona atari ibibazo gusa. Ati: "Abo bantu bose ni ababeshyi. Niba utarikingiza rwose ndagusabye wibikora kuko nanjye ubu ndicuza kuba nariteje uru rukingo."

Reba Video hano:

https://twitter.com/i/status/1430107050504302599

Ibi byahise bibyutsa impaka gusa bamwe bamubwira ko n'ubundi urukingo rutabuza kwandura ahubwo rurinda kuremba cyangwa kwicwa na covid-19 akaba ariyo mpamvu gukingirwa bidakuraho kwambara agapfukamunwa no kwirinda bisanzwe bikorwa n'abatarakingiwe.

Ubushakashatsi bwerekana ko hari amahirwe anganda na 1 kuri miliyoni yo kuba umuntu yakwicwa n'urukingo mu gihe ibihumbi n'ibihumbi bishobora kwicwa na covid-19 mu gihe bitakingiwe.

Src: za.opera.news