Cristiano Ronaldo yerekanye ko ari ntavogerwa mu mukino we wa mbere muri Manchester united

Kuri uyu wa Gatandatu ni bwo Cristiano Ronaldo yakinaga umukino we wa mbere nyuma yo kugaruka muri Manchester United aho mbere gato yatangaje ko yiteguye bihagije kandi ikimuzanye ari ugutsinda ibitego akaba yabigaragaje.

. Cristiano Ronaldo yatsindiye Manchester United ibitego 2

. Manchester United yatsinze Newcastle ibitego 4-1

. Cristiano Ronaldo yatangiye neza muri Manchester United

Mu mukino wahuje Manchester united na Newcastle aho Manchester United ari yo yari yakiriye kuri sitade yayo ya Old Trafford, Cristiano Ronaldo yigaragaje bidasanzwe dore ko ari we wafunguye amazamu ku munota wa 2 w'inyongera y'igice cya mbere.

Cristiano Ronaldo yongeye guhigika bikomeye cyane mukeba we Lionel Messi. Reba ibintu akoreye Manchester United

Umutoza wa Newcastle yagerageje kwihagararaho n'abakinnyi be ariko Cristiano Ronaldo nka kabuhariwe mu gutaha izamu yongeyemo igitego cya 2 ku munota wa 62 w'igice cya 2. Bruno Fernandes yongeyemo icya 3 ku munota wa 80 naho Jesse Lingard atsina icy'agashinguracumu ku munota 2 w'inyongera y'igice cya 2. Igitego cy'impozamarira ku ruhande rwa Newcastle cyatsinzwe na Javier Manquillo ku munota wa 56.