Amafoto ya Shaddyboo asomana n'inkumi mugenzi we yateye benshi kumwibazaho - AMAFOTO

Umunyamideli Mbabazi Shadia wamamaye nka Shaddyboo mu myidagaduro yo mu Rwanda, yavuze ku mafoto amugaragaza ari gusomana n’indi nkumi yibajijweho na benshi, bagakeka ko Shaddyboo nawe yaba ari umutinganyi.

. Hagiye hanze amafoto ya Shaddyboo asomana n'inkumi

. Shaddyboo yagaragaye asomana n'inkumi mugenzi bituma benshi bacika ururondogoro

. Shaddyboo yahakanye kuba umutinganyi byavuzwe nyuma y'amafoto ye

Ni amafoto yasakaye ahantu hose ku mbuga nkoranyambaga, ndetse mu bitekerezo bitandukanye abantu bagiye batanga, abenshi bagiye bavuga ko ari amabara ndetse ko Shaddyboo yakoze amahano akomeye cyane.

Shaddyboo yavuze ko aya mafoto uwayafashe atari azi icyo agamije, “gusa ni amafoto asanzwe” ndetse ko ibyo abantu bakeka atari byo.

Shaddyboo yakomeje avuga ko uwo muntu yamwoheje nawe atari abizi, kuko bayafashe batazi icyo bagamije ndetse ko ari ubucucu gusa.

Yagize ati: “Icya mbere cyo niba uwo muntu yanyoheje ntabwo nari mbizi bayafashe, sinzi icyo yari agamije ariko ibyo byose bakeka ni ubucucu ni amafoto nyine gusa.’’