EUFA Champions League: Messi bikomeje kwanga, Real Madrid na Liverpool zabonye amanota ya mbere bigoranye-AMAFOTO

Kuri uyu wa Gatatu tariki 15 Nzeri 2021 hakinwe imikino ya EUFA Champions League kuva mu itsinda rya mbere kugera mu itsinda rya Kane.

 

. Lionel Messi yananiwe gutsina mu mukino wa mbere yakinnyemo iminota 90

. PSG ya Lionel Messi yananiwe gutsinda Club Brugge n'ubwo yari yitabaje ibihangange byayo byose

. Kyllian Mbappe yavunikiye mu mukino PSG yahuriyemo na Club Brugge

 

Ikipe ya PSG bwa mbere kuva Messi yahagera iyi kipe yabanje mu kibuga ibihanganjye byayo Messi, Neymar, na Mbappe waje kuvunika umukino utarangiye. Messi ni bwo bwa mbere yari akinnye iminota yose 90 kuva yagera mu Bufaransa ariko nabwo ntiyabasha kubona igitego.

 

PSG yari yakiriwe na Club Brugge yo mu Bubiligi, umukino warangiye ari igitego kimwe kuri kimwe PSG itahana inota rimwe.  Ander Herrera ni we watsindiye PSG ku munota wa 15, nyuma yaho gato ku munota wa 27 Vanaken abona igitego cyo kwishyura umukino urangira uko.

Manchester City  yageze ku mukino wa nyuma muri Champions League iheruka, yaje kunyagira itababarira ikipe ya Leipzig ibitego 6 kuri 3. Ku munota wa 16 Ake yari yamaze gufungura amazamu, Mukiele ku munota 28 aza kwitsinda igitego. Nkuku yaje kubona igitego cya mbere ku ruhande rwa Leipzig, ariko bidatinze Mahrez atsinda igitego cya Gatatu kuri Penariti cyabonetse ku munota wa 45.

Mu gice cya kabiri, Nkuku yaje gutsinda igitego cya kabiri umukino uba 3-2 ku munota wa 56 Grealish atsinda igitego  cya kane cya Man City, ku munota wa 73 Nkuku atsinda igitego cya Gatatu kikaba n'icya gatatu kuri we. Nyuma y'iminota 2 gusa Joao Cancelo yatsinze igitego cya gatanu, Gabriel Jesus ku munota wa 85 atsinda igitego cy'agashingura cumu, umukino urangira ari ibitego 6-3 bya Leipzig.

 

Undi mukino wari utegerejwe ni umukino wahuje ikipe ya Real Madrid na Inter Milan, urangira ari igitego kimwe ku busa bwa Inter Milan igitego cyabonetse ku munota wa 89 gitsinzwe na Rodrygo. 

 

Rodrygo yatsinze igitego cya 6 muri Champions League mu mashoti umunani amaze gutera 

 

Liverpool nayo yahuraga na Milan AC nyuma y'imyaka 7 ititabira iyi mikino, aho umukino warangiye ari ibitego 3 kuri 2 bya AC Milan. Tomori ni we watangiye yitsinda ku munota wa cyenda,  Rebic ku munota wa 42 abona Igitego cya mbere cya AC Milan, ku munota wa 44 Brahim Diaz atsinda icya kabiri, naho Mohamed Salah igice cya Kabiri kigitangira atsinda igitego cya kabiri cya Liverpool, naho ku munota wa 69 Henderson atsinda igitego cya Gatatu umukino urangira uko.

Indi mikino Atlietico Madrid yanganyije na FC Porto ubusa ku busa, Sporting inyagirwa na Ajax ibitego 5 kuri kimwe, Beskitas itsindwa na Dortmund ibitego bibiri kuri kimwe na Sheriff itsinda Shakhtar ibitego bibiri ku busa.