Urukiko rumaze gutangaza ko Paul Rusesabagina na sankara bahamwa n'ibyaha baregwa

Mu gihe hategerejwe umwanzuro w’urukiko kuri uyu wa 20 Nzeri 2021, Urukiko Rukuru rwasanze Paul Rusesabagina ahamwa 'icyaha cyo kuba mu itsinda ryagize uruhare mu bitero by’iterabwoba byagabwe ku butaka bw’u Rwanda hagati ya 2018 na 2019.

. Urubanza rwa Paul Rusesabagina na bagenzi be rurimo gusomwa

. Urukiko rwemeje ko Rusesabagina Paul ahamwa n'ibyaha aregwa

Rusesabagina na bagenzi be bagera kuri 20 baregwa ibyaha bifitanye isano n’ibikorwa by’iterabwoba byagabwe ku butaka bw’u Rwanda, byaguyemo abantu b’inzirakarengane icyenda, abandi barakomereka bibaviramo ubumuga.

Uru rubanza rwatangiye ku itariki 26 Mutarama 2021 ababuranyi bose bahari uko ari 21 mbere y’uko Rusesabagina aza kurwikuramo avuga ko nta butabera yizeye.

Rusesabagina Paul wari ukuriye impuzamashyaka MRCD yashinze FLN, yareganwaga n’abantu 20 barimo Nsabimana Callixte ‘Sankara’ na Nsengimana Herman babaye abavugizi b’uyu mutwe ufatwa nk’uwi’iterabwoba.