Cristiano Ronaldo yongeye gukubita incuro Lionel Messi ayobora urutonde rw'abakinnyi bahembwa agatubutse ku isi

Umunya-Portugal Cristiano Ronaldo nyuma yo kwerekeza muri Manchester United atanzweho akayabo, yahise yigaranzura Lionel Messi ku rutonde rw'abakinnyi bahembwa amafaranga menshi ku Isi.

Ikinyamakuru Forbes Magazine cyatangaje ko mu mwaka w'imikino wa 2021/22 byitezwe ko Cristiano Ronaldo azinjiza akayabo ka $ miliyoni 125 arimo miliyoni 70 agomba guhabwa na Manchester United nk'imishahara n'uduhimbazamusyi.

Aya mafaranga yiyongeraho andi angana na $ miliyoni 55 Ronaldo agomba kwinjiza binyuze mu kwamamaza.

Cristiano Ronaldo ni we mukinnyi wa ruhago wa mbere ku Isi winjiza amafaranga menshi mu kwamamaza, akaba ari inyuma y'abandi basportif nka than Roger ($ miliyoni 90), LeBron James ($ miliyoni 65) na Tiger Woods ($ miliyoni 60).

Uyu munya-Portugal ni na we uyoboye ruriya rutonde rw'ikinyamakuru Forbes Magazine.

Cristiano Ronaldo aragubwa mu ntege na Lionel Messi uhagaze kuri $ miliyoni 110, agakurikirwa na Neymar Jr na Kylian Mbappé bakinana muri PSG.

Urutonde rw'abakinnyi bazaba bahembwa menshi mu mwaka wa 2021/22