Sudan: Igisirikare cyahiritse ubutegetsi bw'inzibacyuho

Lt Gen Abdel Fattah Burhan, usanzwe akuriye inama ihuriweho n'abasivile ni we watangaje ko yahiritse ubutegetsi bwa gisivili agira ngo arengere igihugu.

 

. Lt Gen Abdel Fattah Burhan yahiritse ubutegetsi

. Muri Sudan hongeye kuba ihirikwa ry'ubutegetsi

. Abasirikare bafashe ubutegetsi ku ngufu muri Sudan

 

Ku wa Mbere, igisirikare cya Sudan cyasheshe leta ya gisivile, gita muri yombi abayiyoboye, kinatangaza ibihe bidasanzwe mu gihugu.

Gen Burhan, ashinja abanyapolitiki amakimbirane ariho. Mu ijambo yavugiye kuri televiziyo, yavuze ko ubushyamirane bw'imbere mu banyapolitiki, intego zabo no guhamagarira urugomo byatumye akora iki gikorwa ngo arengere igihugu.

Yavuze ko Sudan izakomeza kubahiriza "amasezerano mpuzamahanga" n'inzibacyuho ya gisivile, n'amatora ateganyijwe mu kwezi kwa karindwi 2023.

Itangazo ryashyizwe kuri Facebook na minisiteri y'itangazamakuru rivuga ko abafunzwe bashyizwe "ahantu hatatangajwe".

Iri tangazo rivuga ko minisitiri w'intebe Abdallah Hamdok yashyizweho igitutu ngo ashyigikire coup d'etat ariko akanga kubikora, ahubwo asaba abantu gukomeza imyigaragambyo y'amahoro yo "kurengera impinduramatwara".

Abaturage bigaragambya bigabije imihanga y'umurwa mukuru, Khartoum, kandi hari amakuru avuga ko humvikanye urusaku rw'amasasu. Gusa ibihumbi by'abigaragambya bari mu mihanda bamagana guhirika ubutegetsi, kandi amahanga yamaganye ibyakozwe n'igisirikare.

Gen Burhan niwe wari ukuriye ikiswe Sovereign Council, uburyo bwumvikanyweho bwo gusangira ubutegetsi hagati y'abasivile n'abasirikare.

Mu gitondo kuwa mbere abagabo bitwaje intwaro bafungiye mu ngo zabo bamwe mu bagize leta y'inzibacyuho muri Sudan.

Lt-Gen Abdel Fattah Abdelrahman Burhan wakoze coup d'etat muri Sudan/Interineti

Ibiro ntaramakuru AFP bivuga ko abasirikare bambaye impuzankano zabo bafunze imihanda mikuru yerekeza mu murwa mukuru

Amatsinda aharanira demokarasi muri Sudan yahamagariye abayashyigikiye kuza bakarwanya "coup d'etat ya gisirikare" iyo ariyo yose.

Uku gufungwa kw'abategetsi biravugwa nyuma y'ubushyamirane bumaze iminsi hagati y'abategetsi ba gisirikare n'abagisivile bakuriye inzibacyuho.