Umunyezamu Denis Onyango wahoze ari Kapiteni wa Uganda Cranes yaciye agahigo ku isi katarakorwa n'undi munyezamu uwo ari we wese

Denis Onyango ukomoka muri Uganda yashyizeho agahigo ko gufata Penariti 5 mu mukino umwe wenyine.

 

. Umuzamu Denis Onyango yafashe penaliti 5 mu mukino umwe

. Denis Onyango yaciye agahigo gakomeye ku isi

. Denis Onyango yafashije ikipe ye ya Mamelodi Sundowns kwegukanda igikombe

 

Mu mpera z'icyumweru gishize ni bwo muri Afurika y'Epfo habaga umukino wa nyuma w'igikombe cya MTN8 Final wahuje ikipe ya Mamelodi Sundowns Denis Masinde Onyango akinira, ndetse n'ikipe ya Cape Town City. Ni umukino wabereye kuri sitade ya Moses Mabhida mu mujyi wa Durban aho abafana bagera ku bihumbi 2000 aribo bari bitabiriye umukino.

 

 

Denis Onyango amaze hafi imyaka 10 muri Mamelodi Sundowns 

 

Umukino usanzwe amakipe yombi yanganyije igitego kimwe kuri kimwe bashyiraho iminota y'inyongera ariko nabwo rubura gica kugera aho bifashishije Penariti. Mamelodi Sundowns yatsinze Penariti 3-2, bituma yegukana igikombe iki gikombe bwa mbere kuva mu 2007.

 

Muri uyu mukino uwahoze ari umuzamu w'ikipe y'igihugu ya Uganda Denis Onyango, yakuyemo Penariti zigera kuri 5 bituma aba umuzamu wa mbere ku Isi ukuyemo Penariti zigera kuri 5 mu mukino umwe.

 

 

Ibi byatumye abahanga basubira mu bitabo basanga Onyango yakuyeho agahigo kari gafite n'abazamu babiri barimo, Helmuth Duckadam wakiniraga ikipe ya Steaua Bucuresti ubwo yahuraga na Barcelona mu 1986 yakuyemo Penariti 4 mu mukino umwe. Undi ni Ciaran Kelly wakiniraga Sligo Rovers football club ubwo ikipe ye yakinaga na Shamrock Rovers mu 2010 yakuyemo Penariti 4 mu mukino umwe.

 

Denis Onyango aherutse gusezera mu ikipe y'igihugu ya Uganda 

 

Denis Onyango ufatwa nk'umwe mu bazamu beza Afurika yagize afite imyaka 36 y'amavuko akaba yarakiniye amakipe arimo Villa y'iwabo kuva 2004/05 ajya muri St. George 2005/06 ahava yerekeza muri Afurika y'Epfo muri Supersport United yakiniye imyaka 4 kugera mu 2010 ahava ajya muri Mpumalanga Black Aces, ayivamo mu 2011 ajya muri Mamelodi Sundowns agikinira kugera na n'ubu. Onyango kandi yakiniye ikipe y'igihugu ya Kenya kuva mu 2005 kugera mu 2021 aho yakinnye imikino 82 ndetse arangwa no kwinjizwa ibitego bicye aho yanyuze hose.

 

Onyango ari kumwe na Wasswa mu ikipe y'igihugu