Abatoza batatu bakinanye bari kurwanira akazi ko gutoza Aston Villa

Frank Lampard, John Terry na Steven Gerrard bahanganiye akazi ko gutoza ikipe ya Aston Villa.

 

Dean Smith yabaye umutoza wa gatanu wirukanwe muri shampiyona y'u Bwongereza kuva yatangira, bituma Aston Villa isigara nayo ishakisha umutoza. Nyuma y'igenda rya Dean Smith, umwanya w'ubutoza ubu uri kurwanirwa n'abagabo batatu bakiniye ikipe y'igihugu y'u Bwongereza ndetse bakaba abatoza bakuru mu mwuga.

 

John Terry 

 

John Terry wabaye Kapiteni wa Chelsea yungirije Dean Smith ubwo Aston Villa yari ikiri mu cyiciro cya kabiri gusa nyuma yo kuzamuka ahita ayivamo. Bobby Zamora utanga ibiganiro kuri Televiziyo zitandukanye yatangaje ko aheruka kuvugana na John Terry  amubwira ko yiteguye gutoza ikipe ya Aston Villa mu gihe Dean yaba asezererwe.

 

Steven Gerrard 

 

Steven Gerrard uyu na we ni umwe mu batoza bahagaze neza nyuma yo gufasha ikipe ya Rangers kwegukana igikombe cya Shampiyona hari hashize hafi imyaka 10 itagitwara. Gerrard ni umwe mu batoza bakiri bato kandi bifuza kugaruka mu Bwongereza amasezerano ye na Rangers biteganyijwe ko azarangira mu 2024.

 

 

Frank Lampard 

 

Undi mutoza ushobora gutoza ikipe ya Aston Villa na Frank Lampard. Uyu mutoza wahoze atoza ikipe ya Chelsea, ashobora kugaruka mu kazi ndetse akubaka ubuzima bushya nk'uko yabigenje muri Chelsea.