Tanasha wahoze akundana na Diamond arashinjwa kwibagisha ikib1no agacika ivuriro atishyuye - AMAFOTO

Muri ibi bihe hajya humvikana abakobwa bashaka guhindura imiterere yabo, bakiyongeresha amabere, ikibuno, iminwa n'ibindi bice, gusa ibi bintu birahenze kuri bamwe. Umuhanzikazi wanabaye umugore wa Diamond Platnumz, Tanasha Donnna yaribagishije ngo abe ikizungerezi ariko acika ivuriro atishyuye Ksh 850.000 (hafi miliyoni 8Frw)

. Tanasha yaribagishije acika ivuriro ataryishyuye

. Tanasha yiyongeresheje ikibuno ava kwa muganga atishyuye

. Tanasha wahoze akundana na Diamond arashinjwa kwiyongeresha ikibuno

Inkuru zitandukanye zibinyamakuru nka Ghafla zivuga ko Tanasha Donna ashinjwa kwibagisha ariko kwishyura fagitire ya Ksh 850.000 (7,734,855 Frw) hafi miliyoni 8Frw) bikaba ibamba aho yahisemo kuva ku ivuriro ryamubaze atishyuye. Amakuru avuga ko bamutegetse nibura kubamamaza bigahuriramo ariko nabyo uyu muhanzikazi ntiyabikoze. Ivuriro ryamubaze yarirangiwe n'inshuti ye Risper Faith, ari nayo yamutamaje ko yahezemo ideni ivuriro.

Risper Faith, yasabwe na Tanasha ko yamurangira ivuriro ryamubaga neza akaba umukobwa w'uburanga ufite amabuno meza kandi manini, niko kuhamugeza. Amakuru avuga ko Tanasha yabazwe ariko kwishyura Ksh 850.000 bikaba ingorabahizi, kugeza ubu ideni rimaze guhera burundu. Andi makuru avuga ko bategetse Tanasha gufata amafoto ye agaragaza imiterere ye akayashyira ku mbuga nkoranyambaga akerekana ivuriro ryamuhinduye, nabyo ntiyabikora.

Igitangaje ni uko atari ubwa mbere Tanasha Donna aregwa kuba yarananiwe kwishyura serivisi aba yarakorewe. Mu mezi make ashize yashinjwaga kunanirwa kwishyura umuntu wamusiye ibirungo by'ubwiza, ananirwa kandi kwishyura Boutique yamukodesheje imyenda yo kwambara aho ubu nanone avugwa ko atishyuye ivuriro ryamubaze nk'uko Ghafla ibivuga. 

Tanasha ashinjwa kutishyura ideni ryo kwibagisha