Covid-19 yihinduranyije ya Omicron yamaze kugera mu Rwanda
. Omicron Yageze Mu Rwanda
.Ingamba Nshya Zo Kwirinda Covid-19
. Omicron Yandura Ite?
. Ibimenyetso Bya Omicron
. Abantu barasabwa gukomeza kwikingiza mu rwego rwo gukumira Covid-19
Minisiteri y’Ubuzima yatangaje ko mu Rwanda hagaragaye abantu batandatu banduye virusi yihinduranyije ya COVID19 izwi ku izina rya Omicron. Abo bantu ni abagenzi ndetse n’abahuye nabo.
Minisiteri y’Ubuzima yaboneyeho gusaba Abanyarwanda bari hejuru y’imyaka 12, gukomeza kwitabira ibikorwa byo kwikingira kuko ari bwo buryo burambye mu kwirinda ubu bwoko bushya bwa Covid-19.
Kugeza ubu, abamaze guhabwa dose ya mbere y’urukingo ni 6.925.192 mu gihe abamaze guhabwa dose ya kabiri y’urukingo ari 4.259.242. Abamaze guhabwa dose ishimangira ni abantu 27.220.
Ku itariki ya 24 y’ukwezi kwa cumi na kumwe ni bwo OMS yamenyeshejwe bwa mbere iby’ubu bwoko bwa "Omicron" mu makuru yavuye muri Afurika y’epfo, bukaba bwaranatahuwe muri Botswana, mu Bubiligi, muri Hong Kong no muri Israel.
Ibihugu bimwe ubu byamaze gufata icyemezo cyo guhagarika cyangwa kugabanya ingendo z’indege ziva mu bihugu byo muri Afurika y’amajyepfo.
Abagenzi bavuye mu bihugu 7 byo mu majyepfo ya Afrika nka Afurika y’epfo, Namibia, Zimbabwe, Botswana, Lesotho,Eswatini n’ibindi bakumiriwe henshi.
Abategetsi bo muri Amerika bafashe iya mbere bavuga ko indege ziva muri Afurika y’epfo, Botswana, Zimbabwe, Namibia, Lesotho, Eswatini, Mozambique na Malawi zitazemererwa kwinjira muri Amerika, bihuye n’ingamba mbere zari zarafashwe n’Amerika kuri ibyo bihugu.
Ibihugu byo mu muryango w’Ubumwe bw’Uburayi (EU/UE) hamwe n’Ubusuwisi, na byo byabaye bihagaritse ingendo zerekeza cyangwa ziva muri bimwe mu bihugu byo muri Afurika y’amajyepfo.
Ni ibintu bisanzwe ko virusi yihinduranya uko igihe kigenda gishira. Ubwoko bushya bwa virusi buba ubwoko buhangayikishije iyo ubwo bwoko yihinduranyijemo bushobora kugira ingaruka ku buryo yanduramo, ubukana cyangwa uko inkingo zihangana n’iyo virusi.
