USA: Abapolisi 3 bafashwe amashusho bakubita umuturage bunyamaswa

Abapolisi batatu bagaragaye mu mashusho bakubita umuturage mu gihe cya ku muta muri yombi muri leta ya Arkansas muri America batangiye gukorwaho iperereza.

Muri iyi video igaragaramo umupolice umwe arimo gukubipa ibipfunsi uyu mugabo anamukubita umutwe hasi mu gihe uwa kabiri aba yamutsikamiye naho uwa gatatu aba arimo kumukubita amavi naho uwo mugabo aba ari kwirwanaho akingira umutwe.

Polisi ivuga ko uyu mugabo yaregwaga gutera ubwoba abari mu iguriro ku cyumweru mu gitondo.

Aba bapolisi batatu bose babaye bashyizwe mu kiruhuko mu gihe hari gukorwa iperereza ku myitwarire yabo.

Polisi ivuga ko ubwo bari bagiye gufata uyu mugabo w’imyaka 27 witwa Randall Worcester, yasunitse umwe muri bo akamukubita hasi ndetse akamukubita ibipfunsi mu mutwe, bigatera kumufata mu buryo bwafashwe ariya mashusho.

Randall, wahise ajyanwa ku bitaro, araregwa gutera ubwoba gukomeye, kurwanya abaje kumufata, no gusagarira abashinzwe umutekano, nk’uko polisi ibivuga.

Amashusho yo kumufata agaragaza umwe mu bapolisi amukubita ibipfunsi, undi amukubita amavi kenshi mu mugongo. Uwa gatatu we yari amutsikamiye hasi.

Randall agerageza guhisha umutwe we akoresheje amaboko, ndetse akagerageza kwibirindura ngo yirengere.