Kylian Mbappe yabaye umukinnyi wa mbere ku isi mu mupira w'amaguru winjiza agatubutse aciye kuri Messi na Cristiano

Kylian Mbappe yaje ku mwanya wa mbere ku rutonde rwa Forbes rw’abakinyi binjije amafaranga menshi,aba umukinnyi wa mbere utari Lionel Messi cyangwa Cristiano Ronaldo ubaye uwa mbere kuri urwo rutonde mu myaka icyenda ishize.

Forbes igereranya ko uyu mukinnyi wa Paris St-Germain Mbappe w’imyaka 23, azinjiza miliyoni 128 z’amadolari muri uyu mwaka.

Messi ukinana na Mbappe muri PSG n’uwa kabiri na miliyoni 120 z’amadolari hanyuma umukinnyi w’imbere wa Manchester United Ronaldo akaza ku mwanya wa gatatu na miliyoni 100 z’amadolari.

Neymar na Mohammed Salah ni bo bujuje urutonde rw’abakinyi batanu ba mbere.

Undi mukinyi wigeze kuza imbere kuri urwo rutonde atari Messi na Ronaldo ni kizigenza w’Umwongereza David Beckham mu mwaka wa 2013.

Mbappe yashyize umukono ku masezerano y’imyaka itatu arimo uduhimbazamusyi twinshi muri PSG mu kwezi kwa gatanu, biza kurangiza ibihuha byamwerekezaga muri Real Madrid mu mpeshyi.

Uyu mufaransa watwaye igikombe cy’isi, amaze gutwara ibikombe 11 muri iyi kipe, harimo bine bya shampiyona yo mu Bufaransa, kuva agiye muri iyi kipe imutijwe na Monaco mu 2017.

Erling Haaland,umaze gutsinda ibitego 19 mu mikino 12 muri Manchester City kuva ayigezemo avuye muri Borussia Dortmund, ari mwanya wa gatandatu.

Urutonde rw’abakinnyi 10 rwa FORBES

1- Kylian Mbappe-$128m

2- Lionel Messi-$120m

3 - C. Ronaldo-$100m

4- Neymar-$87m

5 - Mo Salah-$53m

6 - Erling Haaland-$39m

7 - R. Lewandowski-$35m

8 - Eden Hazard-$31m

9 - Andres Iniesta-$30m

10 - Kevin De Bruyne-$29m