M23 yashashe Rutshuru n'ibice biyegereye

Inyeshyamba zo mu mutwe wa M23 kuri uyu wa Gatandatu, zigaruriye umujyi wa Rutshuru wo mu ntara ya Kivu y'Amajyaruguru ndetse n'ibindi bice biwukikije.

Rutshuru yafashwe mu gitondo cyo kuri uyu wa Gatandatu, nyuma y'imirwano yasakiranyije M23 n'Ingabo za Congo Kinshasa (FARDC).

Ni imirwano kuri ubu imaze ibyumweru bibiri n'iminsi ibiri yongeye kubura.

M23 ishinja Igisirikare cya Congo Kinshasa kuba ari cyo cyayitangije ubwo cyagabaga ibitero ku birindiro byayo.

Usibye Umujyi wa Rutshuru, amakuru anavuga ko M23 yamaze no kwigarurira uduce twa Kiwanja na Kinyandoni.

Ni uduce twiyongera ku twa Burayi, Rumangabo, Kitagoma, Mutabo, Nyalutemba, Kabingo, Musezero, n'utundi twinshi two muri Teritwari ya Rutshuru.

Amakuru avuga ko kuri ubu imirwano igikomeje isa n'iyatangiye gusatira Teritwari ya Nyiragongo ndetse n'Umujyi wa Goma.

Ivomo: Bwiza