Undi munyamakuru yapfiriye muri Qatar nyuma y'amasaha make Umunyamakuru w'Umunyamerika na we ahapfiriye

Umunyamakuru wa 2 yapfiriye muri Qatar, nyuma y'amasaha 48 uwa mbere wakomokaga muri Leta Zunze Ubumwe za Amerika nawe apfuye.

Khalid al-Misslam wari umunyamakuru muri Qatar akorera ikinyamakuru kitwa Al Kass Tv, yapfuye kuri iki Cyumweru nk’uko Gulf News ibitangaza.

Icyateye urupfu rwe kugeza ubu ntikiratangazwa, ndetse ntikiranamenyekana kugeza ubu. Iki kinyamakuru gikorera muri Qatar kitwa Gulf News, kibinyujije kuri Twiter cyagize kiti: “Inkuru y’akababaro, Al-Misslam yapfiriye muri Qatar ari gufotora mu bikorwa by'igikombe cy'isi, kiri kubera muri Qatar. Twizerera mu mbabazi za Allah n'imbabazi kuri we, tubabajwe n'uru rupfu kandi twihanganishije umuryango we ukomeze kwihangana".

Iki kinyamakuru yari asanzwe akorera kitwa Al Kass Tv nacyo cyabinyujije kuri Tereviziyo kibyemeza ko umunyamakuru wabo yapfuye, ariko nabo bavuga ko icyamwishe kitaramenyekana. Uyu munyamakuru apfuye nyuma y'amasaha 48 undi nawe witwa Grant Wahl ukomoka muri Leta Zunze Ubumwe za Amerika apfuye. 

 Uyu munyamakuru wa mbere wapfuye, we wari uzwi cyane muri Leta Zunze Ubumwe za Amerika, yapfiriye ku mukino wa Argentine n'u Buhorandi mu ijoro ryo kuwa 5, gusa nyuma byaje kwemezwa ko yishwe n'ikibazo yari asanganywe cy'umutima.

Umunyamakuru wa 2 wapfiriye muri Qatar