M23 yambuye FARDC n'imitwe bafatanyije imbunda n'amasasu byinshi bamwe bati: "M23 yahawe Ubunani"

Ku mbuga nkoranyambaga hagaragajwe intwaro nyinshi n’amasasu umutwe wa M23 wambuye ingabo za FARDC n’imitwe bafatanyije aho bamwe batebyaga bkavuga ko M23 yahawe ubunani.

Nyuma y’imirwano iremereye hagati y’umutwe wa M23 na FARDC iri guterwa ingabo mu bitugu n’imitwe y’inyeshyamba ndetse n’abacancuro b’Abarusiya, bivugwa ko uyu mutwe wafashe imbunda nyinshi n’amasasu byatawe n’abo bahanganye.

Ni imirwano imaze iminsi ibera mu gace ka Bwiza, aho FARDC ifatanyije n’imitwe nka FARDC, FDLR, APCLS, NYATURA, PARECO, CODECO, NDC-RENOVÉ na Mai-Mai bagabye ibitero kuri M23.

Igisirikare cya FARDC biravugwa ko kimaze iminsi cyakiriye abacancuro bo mu itsinda ry’abarwanyi kabuhariwe ry’Abarusiya rizwi nka Wagner, ari na bwo cyaboneyeho gukaza ibitero kigaba kuri M23.