Ibyo mu Bwongereza byamukurikiranye. Cristiano Ronaldo yahagaritswe muri Al Nassr aheruka gusinyamo
Abafana Bose Bari Baguze Amatike Yose Y'umukino Iyi Kipe Igiye Gukina Ngo Bazamurebe
Cristiano Ronaldo yahagaritswe imikino 2 kubera ibihano yari yafatiwe mu Bwongereza
Abafana ntibazabasha kureba Cristiano Ronaldo mbere y'imikino 2 ya Al Nassr
Cristiano Ronaldo uherutse kwerekanwa nk'umukinnyi mushya wa Al-Nassr yo muri Saudi Arabia, ntabwo yemerewe gukina imikino 2 ibanza ya shampiyona kubera ibihano yaherewe mu Bwongereza.
Kuri uyu wa Kane Al-Nassr ifite umukino wa shampiyona izahuramo na Al Ta'ee, ndetse imyanya yose yo muri sitade abafana bari bamaze kuyigura bitegura kuzareba rutahizamu ufatwa nk'umukinnyi wa mbere ku Isi.
Amakuru dukesha ikinyamakuru Mail Online, kiravuga ko imikino ibiri uyu mukinnyi yari yarahagaritswe akiri mu Bwongereza, agomba kubanza kuyisiba akabona gukomeza.
Tariki 17 Ugushyingo umwaka ushize nibwo ishyirahamwe ry'umupira w'amaguru mu Bwongereza ryahagaritse Ronaldo imikino igera kuri 2 adakandagira, ndetse anacibwa amande y'ibihumbi 50, 000 by'amadorari.
Ronaldo aherutse gusinya amasezerano y'imyaka 2 ari umukinnyi wa Al-Nassr
Ibihano byaje nyuma yo gukora iperereza ku ihohoterwa Ronaldo yakoreye umufana wa Everton amukubita mu kiganza arimo asohoka mu kibuga, aha bikaba byari ku mukino Everton yari yakiriyemo Manchester United muri Mata umwaka ushize.
Ingingo ya 12 y'amategeko ya FIFA ivuga ko umuntu wahanwe imikino iri hejuru y'ibiri adakina akaza guhindura aho yakinaga, agomba kumara iyo mikino adakina kugira ngo ibihano by'imbere mu gihugu byubahirizwe.
Kuri uyu wa 2 nibwo Ronaldo yerekanwe imbere y'abafana ba Al-Nassr