Biravugwa: Inkoramutima za Kabira wahoze ari Perezida wa RDC ziri mu mazi abira

Amakuru aturuka muri Repubulika Iharanira Demokarasi ya Congo aravuga ko Urwego rushinzwe ubutasi muri iki gihugu rwaba hari abanyapolitiki ruteganya guta muri yombi.

Abashobora gutabwa muri yombi harimo Azarias Ruberwa wahoze ari Minisitiri ushinzwe kwegereza ubutegetsi rubanda.

Abandi barimo Lamazani Shadary watsinzwe na Tshisekedi mu matora y’Umukuru w’Igihugu yo muri 2018 cyo kimwe na Marie-Ange-Mushobekwa.

Aba banyapolitiki bose basanzwe ari inkoramutima za Joseph Kabila Kabange wahoze ari Perezida wa Repubulika Iharanira Demokarasi ya Congo.

Barakekwaho "kugerageza guhungabanya umutekano w’igihugu".

Ruberwa na bagenzi be batangiye kunugwanugwa, nyuma y’uko ikinyamakuru Africa Intelligence mu minsi ishize cyasohoye inkuru ibagaragaza muri bake bakomeje kunamba kuri Perezida Joseph Kabila.