Tanzania yabonye itike yo kwerekeza mu mikino ya nyuma y'igikombe cya Afurika cy'ibihugu

Ikipe y’igihugu ya Tanzania yamaze kubona itike yo kwerekeza mu mikino ya nyuma y’igikombe cya Afurika cy’ibihugu [AFCON 2023] nyuma yo kubona amanota 8 hejuru ya Uganda yagize 7 ikaba iya 3.

Ibi Tanzania yabigezeho nyuma yo kunganya na Algeria 0-0 mu gihe Uganda yatsinze Niger ibitego 2-0 ariko ntibyagira icyo biyimarira.

Aba baturanyi bo mu burasirazuba bw’u Rwanda ( Tanzania) basubiye muri AFCON nyuma y’imyaka 4 bakubutse mu yabereye mu Misiri.

Ni ku nshuro ya 3 Tanzania igiye gukina iyi mikino ya AFCON mu mateka yayo mu gihe u Rwanda ari rimwe rwabigezeho muri 2004.

Tanzania imaze kugira shampiyona iri ku rwego rwo hejuru aho ikipe ya Young Africans iheruka gukina umukino wa nyuma wa CAF Confederation Cup, ndetse bakoresha abanyamahanga 12.

Kuri uyu wa Gatandatu, Amavubi azakina na Senegal umukino wo gusoza amatsinda udafite icyo umaze.

Ikipe ya Ghana nayo yabonye itike nyuma yo gutsinda Centrafrique ibitego 2-1 mu mukino usoza amatsinda.

Itsinda F:

1. Algeria - 16pts

2. Tanzania - 8

3. Uganda - 7

4. Niger - 2

Amakipe y’ibihugu amaze kubona itike:

Ivory Coast

Morocco

Algeria

South Africa

Senegal

Burkina Faso

Tunisia

Egypt

Zambia

Equatorial Guinea

Nigeria

Guinea-Bissau

Mali

Cape Verde

Guinea

Angola

Ghana

Tanzania