Rayon Sports yashyize hanze amakuru mashya mbere gato yo gucakirana na Al Hilal Benghazi

Ayo makuru aje yiyongera ku yatangajwe ejo ko amatike y’ahasigaye hose na VVIP nayo yashize. Ubu amatike asigaye ni aya VIP, ubu ari kugura 30.000 Frw.

Ibi bisobanuye ko Murera muri sitade iraba igaragiwe n'ibihumbi by'abafana bayo nk'uko bisanzwe kandi sitade ikaba iraza kuba yuzuye.

Rayon Sports yavuze ko imiryango ya Kigali Pelé Stadium irafungurwa saa Munani mu gihe umukino utangira saa Kumi n’Ebyiri.

Rayon Sports irakira Al-Hilal mu mukino wo kwishyura wa CAF Confederation Cup kuri uyu wa Gatandatu, tariki 30 Nzeri, saa Kumi n’Ebyiri. Mu mukino ubanza amakipe yombi yanganyije igitego 1-1 tariki 24 Nzeri 2023.