Ubutumwa Gualdiola yageneye Arsenal mbere yo guhura bwateye ubwoba abafana bayo
Manchester City yatsinze RB Leipzig ibitego 3-1
Manchester City izakina na Arsenal mu mukino wa Shampiyona
Umutoza w'ikipe ya Manchester City, Pep Gualdiola yageneye ubutumwa ikipe ya Arsenal mbere y'uko bacakirana mu mukino utoroshye wa shampiyona uzabahuza kuri iki cyumweru.
Mu kiganiro uyu mutoza yagiranye n'itangazamakuru nyuma y'umukino wa Champions League Manchester City yatsinzemo RB Leipzig 3-1 yahishuye ko ikipe ye yiteguye neza umukino uzayihuza na Arsenal.
Abakinnyi ba Manchester City bishimira igitego ku mukino wa RB Leipzig
Ikipe ya Manchester City yabashije gutsinda uyu mukino mu gihe nyamara yashidikanywagaho n'abantu benshi nyuma yo gutsindwa imikino ibiri yaherukaga harimo uwa NewCastle muri Carabao n'uwa Wolves muri Shampiyona.
Gualdiola yavuze ko adashidikanya ku bushobozi bw'ikipe ye n'ubwo yaba iri mu bihe bibi byo gutsindwa kuko azi uburyo baba bitoje bashyizemo imbaraga zose.
Yakomeje avuga ko biteguye gukina n'ikipe ya Arsenal nta gihunga bafite kuko bazakina umukino wabo.
Yagize ati "Tuzahura na Arsenal kandi dukine umukino wacu nta nkomyi, Ntekereza ko tuzabagora cyane, Ntabwo turi ikipe yo gutsinda mu buryo bworoshye."
Aya magambo y'uyu mutoza ntiyaguye neza bamwe mu bafana ba Arsenal bifuza gutsinda uyu mukino ku kabi n'akeza.
Aya makipe yombi aritegura guhura mu gihe Manchester City irusha Arsenal inota rimwe gusa ku rutonde rw'agateganyo rwa Shampiyona.