Abakinnyi bane ba PSG bahagaritswe bazira ikibazo cy'ubutinganyi
Abakinnyi 4 ba Paris Saint Germain bagaragaye baririmba indirimbo yamagana abatinganyi bahagaritswe
Igikuba cyacitse mu ikipe ya Paris Saint Germain yo mu gihugu cy'Ubufaransa nyuma y'aho hagaritswe abakinnyi bayo bane bazira ikibazo kijyanye n'ubutinganyi.
Kuwa kane w'iki cyumweru Ishyirahamwe ry'Umupira w'Amaguru mu Bufaransa ryatangaje ko ryafashe icyemezo cyo guhagarika abakinnyi bane b'ikipe ya PSG nyuma yo kugaragara baririmba indirimbo zamagana Abatinganyi.
Mu mpera z'ukwezi gushize mu mukino wahuje ikipe ya PSG na Marseille hari abafana bagaragaye baririmba indirimbo yamagana abatinganyi.
Hari amakuru yahise akwirakwira ko hari abakinnyi b'ikipe ya PSG bafashije abafana babo kuririmba iyi ndirimbo.
Nyuma y'uko ishyirahamwe ry'umupira w'amaguru mu Bufaransa rikoze iperereza rigasanga aba bakinnyi bararirimbye iyi ndirimbo ryafashe umwanzuro wo kubahagarika umukino umwe.
Umukino bazasiba ni uwo ku italiki 10 z'ukwezi k'Ukwakira (10).
Abakinnyi bahamwe n'ayo makosa nk'uko iri shyirahamwe ribivuga ni Randal Kolo Muani, Ousmane Dembele, Achraf Hakim na Layvin Kurzawa.
Iri shyirahamwe rivuga ko ritazigera na rimwe ryihanganira umukinnyi uwo ariwe wese wijandika mu bikorwa by'ivangura.
Ikipe ya PSG yo yatangaje ko yatunguwe n'ibihano biremereye byahawe abakinnyi bayo mu gihe yatekerezaga ko birarangirira mu biganiro, Hakaganirizwa aba bakinnyi n'abafana.
Ku rundi ruhande aba bakinnyi basabye imbabazi bavuga ko "Turicuza ku magambo twavuze tutagakwiye kuba twaravuze, Turabisabira imbabazi kandi tubizeza ko ubutaha tuzagerageza kubera urugero rwiza abatureberaho.".
Abakinnyi ba PSG bagaragaye baririmba indirimbo yibasira abatinganyi babisabiye imbabazi.
Ikibazo cy'ubutinganyi gikomeje kuvugisha abatari bacye aho bamwe usanga bashyigikiye iyo myitwarire mu gihe hari abandi bahejeje inguni batabikozwa na gao.
Indi nkuru wasoma Minisitiri w'intebe w'Ubwongereza yatangaje ko adashyigikiye Abatinganyi"