Burundi: Irebere ubwuzu abarundi bakiranye Perezida wa FIFA na Arsene Wenger [AMAFOTO]

Perezida w'impuzamashyirahamwe y'umupira w'amaguru ku Isi (FIFA) na Arsène Wenger, bageze mu Burundi mu ruzinduko rw'akazi, aho mu byabazanye harimo kuganira n'umukuru w'igihugu cy'u Burundi, Evariste Ndayishimiye, gutangiza imikino y'amashuri, ndetse nyuma akaza gusura ahari kubakwa sitade y'igihugu i Ntwali.

Kuri uyu wa Gatandatu tariki 21 Ukwakira, mu masaha ya mugitondo, ni bwo Perezida w'impuzamashyirahamwe y'umupira w'amaguru ku Isi (FIFA), Gianni Infatino, yageze ku kibuga cy'indege cya Melchior Ndadaye. Yari ari kumwe na Masengo Véron umunyamabanga wa CAF, Peurluigi Collina ukuriye komite y'abasifuzi, na Arsène Wenger wahoze atoza ikipe ya Arsenal.

Aba bayobozi bakiriwe na Perezida w'ishyirahamwe ry'umupira w'amaguru mu Burundi, Reverien Ndikuriyo, n'abandi bayobozi mu mupira w'amaguru w'u Burundi. Aba bayobozi bari i Burundi mu ruzinduko rw'akazi aho bahise bajya ku kibuga Urunani aho bari bategerejwe.

Perezida wa FIFA yageze i Burundi yakirwa mu buryo bw'umuco w'u Burundi aho yavugirijwe ingoma

 Arsène Wenger afata agafoto ubwo yageraga ku butaka bw'u Burundi