Casemiro abayeho yicuza muri Manchester United - IMPAMVU
Casemiro aricuza impamvu yavuye muri Real Madrid
Umunya-Bresil, Casemiro w'imyaka 31 wahoze akinira ikipe ya Real Madrid nyuma akaza kuyivamo akerekeza muri Manchester United kuri ubu aricuza bikomeye kubera uyu mwanzuro yafashe.
Casemiro yasinyiye Manchester United mu mpeshyi ya 2022 ndetse mu mwaka we wa mbere yitwaye neza cyane afasha iyi kipe kurangiza mu makipe ane ya mbere.
Ibintu ariko ntibyakomeje kugendekera neza uyu mukinnyi kuko muri uyu mwaka w'imikino yagowe no kwitwara neza ndetse umutoza akagenda amwirengagiza bya hato na hato.
Casemiro ntiyigeze agaragara ku mukino wo kuwa gatandatu Manchester United yatsinzemo Sheffield United ndetse ntaranagaragara ku mukino ikipe ya Manchester United igomba gukinamo na Coppenhagen muri Champions League.
Inkuru dukesha ikinyamakuru 'Nacional' cyo muri Espagne ivuga ko uyu musore atishimye na gato mu ikipe ya Manchester United ndetse akomeje kwicuza cyane icyatumye ava muri Real Madrid.
Rene Meulensteen wigeze gutoza Manchester United aheruka gutangaza ko uyu mukinnyi adashobora kwisanga mu mikinire mishya y'umutoza Eric Ten Hag agasanga icyaba cyiza ari uko yasohoka muri iyi kipe.
Gusa amakuru ahari avuga ko hari andi makipe akomeye mu Bwongereza ari gucungira hafi uyu mukinnyi ku buryo yahita amusinyisha.
Biravugwa ko Manchester United isa nk'aho yamaze kwanzura gutandukana n'uyu musore ahubwo amaso yayo ikaba iyahanze Umunya-Portugal w'imyaka 19 ukinira Benfica witwa Joao Neves nk'umusimbura wa Casemiro.
Manchester United ngo yiteguye gutanga Miliyoni zigera kuri 70 z'Amayero kuri Neves umaze gukina imikino 32 muri Benfica.
@Philippe Ndayisenga