Gasogi United yatsinze Musanze FC imaze iminzi 11 iyoboye urutonde rwa Shampiyona

Ikipe ya Gasogi United FC yatsinze Musanze FC ibitego 2-0, mu mukino w’Umunsi wa 11 wa Shampiyona wabereye kuri Kigali Pele Stadium.

Musanze FC yashakaga gukomeza kwanikira APR FC itaratsinze ejo, yirangayeho iratsindwa, bituma ijya mu mibare mibi.

Ku munota wa 61 nibwo Gasogi United yafunguye amazamu ku gitego cyatsinzwe na Henock Yao ku mupira yaherejwe na Christian Malipangu.

Ku munota wa 69,Lavel Maxwell Djumekou yatsinze igitego cya kabiri cya Gasogi United ku mupira yaherejwe na Niyongira Dany ku makosa y’Umunyezamu Muhawenayo Gad.

Umukino warangiye Gasogi ihagamye Musanze yari imaze iminsi ihagaze neza, ku wa 3 ishobora gutakaza umwanya wa mbere mu gihe APR FC yatsinda ikirarane cya Sunrise FC.

Uko imikino yo kuri iki cyumweru yagenze:

GASOGI UNITED 2-0 MUSANZE FC

Mukura VS 0-0 MUHAZI United

Sunrise FC 0-0 KIYOVU Sports

Urutonde:

1. Musanze FC 23 Pts

2. APR FC 22 Pts (-1)

3. Police FC 22 Pts (-1)

4. Rayon Sports 17 Pts (-1)

5. Police FC 16 Pts

6. Mukura VS 16 Pts

7. Marines FC 15 Pts

8. Amagaju FC 14 Pts

9. Gasogi United 14 Pts

10. Gorilla FC 11 Pts

11. Muhazi 11 Pts

12. Etincelles FC 11 Pts

13. AS KIGALI 10 Pts

14. Sunrise FC 10 Pts (-1)

15. Etoile De L’Est 10 Pts

16. Bugesera FC 9 Pts