Kiyovu Sports na As Kigali zanyagiwe n'imvura y'amahindu mu gihe Rayon Sports yacuraga amanota 3
Rayon Sports yatsinze Muhazi FC
Kiyovu Sports yanyagiwe na Mukura FC
As Kigali yatsindiwe i Rubavu na Etincelles FC
Mu mikino y’umunsi wa 13 wa shampiyona,ibintu ntibyagenze neza kuri Kiyovu Sports kuko zanyagiwe bikomeye n’amakipe bahuye.
Mukura VS yatsinze nta mpuhwe ibitego 4-1 Kiyovu Sports yaherukaga kwihagararaho imbere ya APR FC.
Ibitego bya Mukura VS byatsinzwe na Muvandimwe 41,Elie Tatu Iradukunda 51, Mohamed Sylla 51,Samuel Pimpong 86’.Igitego cy’impozamarira cya Kiyovu cyatsinzwe na Richard Kilongozi 24’.
Ku rundi ruhande, Etincelles FC yakiriye AS KIGALI iyinyagira ibitego 4-2, mu mukino wabereye i Rubavu.
Ibitego bya Etincellesbyatsinzwe na Niyonkuru Sadjati watsinze bibiri,Gedeon Bendeka na Gedeon Ndonga mu gihe ibya AS Kigali byatsinzwe na Felix Kone Lottin na Ntirushwa Aime.
Nyuma y’uko AS Kigali ihishe uburwayi bwayo kuri APR FC na Mukura VS, Etincelles FC yerekanye ko imerewe nabi cyane.
AS Kigali yinjiye mu makipe abiri ashobora kumanuka mu cyiciro cya kabiri.
Ni mu gihe ku ruhande rwa Rayon Sports abafana bari bafite akamwenyumwenyu nyuma yo gutindira Muhazi Fc kuri Kigali Pele Stadium 2-0 ari nako ifata umwanya wa 2 ku rutonde rwa shampiyona.
Mu mukino ukurikira, Kiyovu Sports izakira Etincelles mu gihe AS Kigali izakina na Rayon Sports.