Tshisekedi yakoze igikorwa gitunguranye mu gihe amajwi akomeje kubarurwa. Uko abandida bakurikiranye by'agateganyo

Perezida Felix Tshisekedi yohereje ingabo zidasanzwe mu gihugu hose cyane cyane mu bice byiganjemo abashyigikiye abakandida batavuga rumwe n’ubutegetsi bwe.

Abakandida bose batavuga rumwe n’ubutegetsi basabye ko amatora y’uyu mwaka yaseswa.

Perezida Félix Tshisekedi akomeje kuza ku mwanya w’imbere mu majwi mu biyamamarije kuyobora igihugu cya Repubulika ya Demokarasi ya Congo, haba kubatoreye hanze ya Congo ndetse n’abatoreye imbere mu gihugu.

Muri miliyoni 1.029.616 z’abatoye baturutse muri diaspora yo mu bihugu 5 bikomeye hamwe n’abatoye mu bice 22 mu gihugu, Félix Tshisekedi afite amajwi 850.684 cyangwa 82.60%.

Moïse Katumbi Chapwe yaje ku mwanya wa kabiri n’amajwi 147.053 cyangwa 14,30%, uwatunguranye ni Radjabho Tebabho Soborabo, perezida w’ishyaka rya “Congolais unis pour le changement” (CUC) n’amajwi 9.263 cyangwa 0.90% mu gihe Martin Fayulu asoza iki cyiciro n’amajwi 7965 cyangwa 0,80%.

Ibice 22 byavuyemo aya majwi y’agateganyo yatangajwe ni:

• Bikoro, Makanza (Ecuador)

• Wamba na Isiro Ville (Haut Uele)

• Mambasa na Bunia Ville (Ituri)

• Luebo na Mweka (Kasaï)

• Luiza na Kananga (Kasaï yo Hagati)

• Miabi na Lupatapata (Kasaï y’Iburasirazuba)

• Madimba na Luozi ( Kongo yo Hagati )

• Kenge (Kwango)

• Idiofa (Kwilu)

• Kabinda na Ngandangika (Lomami)

• Mitwaba na Kasenga (Katanga yo hejuru)

• Malemba Nkulu na Kabongo (Lomami yo hejuru)

 

Iyi Komisiyo Kandi yatangaje ko usibye agace ka kenge mu Ntara ya Kwango, Martin Fayulu, yatsinze ku majwi 57,9%, naho ahandi hose Tshisekedi ari imbere.

CENI ikaba yatangaje ko igikorwa cyo kubara amajwi kigikomeje.