RDC: Imirwano ikaze hagati ya M23 na FARDC yakomereje muri centre ya Karuba

Imirwano ikaze hagati ya M23 na FARDC ifatanyije na Wazalendo yakomeje mu gitondo cya kare cyo kuri uyu wa Kabiri, itariki 16 Mutarama 2024 muri centre ya Karuba, muri Sheferi ya Bahunde, muri Teritwari ya Masisi.

Amakuru aturuka mu Gisirikare cya Congo muri ako gace aravuga ko imirwano yiganje muri centre ya Karuba, imaze ibyumweru bibiri igenzurwa na M23.

Ni nyuma y’imirwano yaraye ibera mu ijoro ryo kuri uyu wa Mbere ushize, itariki 15 Mutarama, kuri axe Shasha-Karuba. Urusaku rw’amasasu rwumvikanaga no kuri axe ya Kausa nk’uko aya makuru akomeza avuga.

M23 na yo yemeye ko yagabweho ibitero muri Karuba.