AFCON2024: Cote d'Ivoire yatabawe, Tanzania izinga ibikapu

AFCON2024: Cote d'Ivoire yatabawe, Tanzania izinga ibikapu

  • Uko imikino ya 1/8 iteganyijwe

  • Amakipe yose yabonye tike yo gukina 1/8 cya AFCON

Jan 25,2024

Maroc yafashije Côte d’Ivoire kuguma mu Gikombe cya Afurika no gukina 1/8 nyuma yo gutsinda Zambia igitego 1-0 ku wa Gatatu.

Ku wa 24 Mutarama ni bwo hasojwe imikino y’amatsinda y’Igikombe cya Afurika cya 2023, hakina amakipe yo mu Itsinda E na F.

Mu Itsinda F, Zambia yari ikeneye inota ryari gutuma Côte d’Ivoire yakiriye irushanwa itaba ikipe ya kane mu yabaye aya gatatu yitwaye neza.

Gusa, igitego cya Hakim Ziyech ku munota wa 37, cyari gihagije ngo Maroc ibone intsinzi ndetse iheshe Côte d’Ivoire kurenga amatsinda.

Muri 1/8, Maroc izahura na Afurika y’Epfo ku wa Kabiri w’icyumweru gitaha.

Ku rundi ruhande, Côte d’Ivoire yirukanye Umutoza Jean-Louis Gasset ku wa Gatatu mu gitondo nyuma yo kwitwara nabi mu mikino itatu, izahura na Sénégal mu mukino wa 1/8 uzaba ku wa Mbere.

Mu yindi mikino yabaye, Repubulika Iharanira Demokarasi ya Congo yazamutse ari ya kabiri mu Itsinda F n’amanota atatu nyuma yo kunganya na Tanzania yasezerewe ubusa ku busa.

Gahunda ya 1/8 cya CAN 2023:

Ku wa Gatandatu

Angola vs Namibia (19:00)

Nigeria vs Cameroun (22:00)

Ku Cyumweru

Guinée équatoriale vs Guinée (19:00)

Misiri vs RDC (22:00)

Ku wa Mbere

Cap-Vert vs Mauritania

Sénégal vs Côte d’Ivoire

Ku wa Kabiri

Mali vs Burkina Faso

Maroc vs Afurika y’Epfo