Nigeria yabujije Cameroon kugera muri 1/4 cya AFCON 2024
Nigeria yatsinze Cameroon ibitego 2-0
Angola yasezereye Namibia ku bitego 3-0
Nigeria na Angola ni zo kipe za mbere zibimburiye izindi muri 1/4 cya Afcon 2024
Ikipe ya Nigeria yageze muri 1/4 cy’irangiza cy’igikombe cya Afurika nyuma yo gusezerera Cameroon iyitsinze ibitego 2-0 mu mukino wa 1/16.
Ibitego byombi bya Ademola Lookman nibyo byagehesheje Nigeria intsinzi mu mukino yayoboye bigaragara.
Cameroon yavuye mu matsinda ku kaburembe itsinze Gambia ibitego 3-2,yaje muri uyu mukino idahabwa amahirwe binarangira itsinzwe.
Uyu mukino nabwo umunyezamu Andre Onana yirengagijwe amahirwe ahabwa mubyara we Fabrice Ondoa nawe utorohewe
Ademola Lookman yafunguye amazamu ku munota wa 36,ku mupira mwiza yahawe na Osimhe, hanyuma ashyiramo igitego cya kabiri ku munota 90.
Angola na Nigeria nizo zageze muri 1/4 bwa mbere ndetse zizahita zihura muri icyo cyiciro. Namibia na Cameroon zitashye.
Umukino wabanje, Angola yanyagiye Namibia ibitego 3-0 byatsinzwe na Gelson Dala na Mabululu ikomeza bitayigoye.
Uyu mukino wabonetsemo amakarita atukura abiri aho buri ruhande rwabonye imwe.