Mu Rwanda hari amakipe ahemba abasifuzi buri kwezi - Axel Rugangura
Axel Rugangura yavuze ko hari abasifuzi baba ku rutonde rw'abakozi b'amakipe amwe n'amwe
Impungenge za KNC zaba zifite ishingiro?
Umunyamakuru wa RBA, Rugangura Axel, yahishuye ko hari amakipe ahemba abasifuzi umushahara ku kwezi nk’imwe mu mpamvu ituma habaho imisifurire itavugwaho rumwe muri ruhago Nyarwanda.
Nk’uko tubikesha Igihe, Rugangura yagize ati “Hari n’abasifuzi baba ku rutonde rw’abakozi bahembwa n’amakipe ‘payroll’ ku kwezi. Iyo amakipe akanze akanyenyeri, n’abasifuzi barakabona.”
Axel yirinze kuvuga ikipe runaka ibikora, gusa avuga ko ayo makipe asanzwe muri shampiyona y’umupira w’amaguru mu Rwanda mu kicyiciro cya mbere.
Ibi bibaye ari impamo byaba bishimingira ibimaze iminsi bivugwa na KNC wageze aho afata umwanzuro wo gusesa Gasogi United kubera imisifurire mibi iranga amarushanwa y'umupira w'amaguru mu Rwanda.
Soma n'iyi: FERWAFA yavuze ko Gasogi United itemerewe kwikura mu marushanwa. Biraza kugenda gute?
KNC yavuze ko bibaje kubona ujya gukina wibwira ko uri buhangane mu kibuga nyamara hari uwaje azi neza uko umukino uri burangire kandi ari we muhanganye. Ati: "Twavuze ibi bintu kenshi, ariko nta gihinduka".
Soma n'iyi: Gusesa Gasogi United bigeze he? Amakuru mashya