Uko Hepatite B yandura, ibimenyetso byayo ndetse n'uko wayirinda

Hepatite B ni indwara yibasira umwijima ishobora kwirindwa hakoreshejwe urukingo ikaba iterwa na virus yitwa VHB.

Iyo umurwayi arengeje amezi 6 arwaye Hepatite B, ifatwa nk'aho yamaze kuba karande cyangwa iy'ubuzima bwose.

Virusi itera Hepatite B yandurira mu mibonano idakingiye cyangwa se mu maraso.

Ibimenyetso bya Hepatite B

Abantu benshi mu banduye iyi virusi yaba mu ntangiriro cyangwa se yaramaze kuba karande nta kimenyetso berekana cyangwa se berekana ibimenyetso byoroheje.

Ku berekana ibimenyetso kuri Hepatite B iri mu ntangiro bishobora kugaragara kuva ku mezi 2 kugeza 6 birimo:

- Umuriro

- Umunaniro

- Isesemi

- Inkari zijimye

- Kuruka

- Kubura ubushake bwo kurya

- Kubabara mu nda

- Kubabara mu ngingo

- Kwituma umwanda w'umukara usa n'ibumba

- Guhinduka k'uruhu n'amaso bikaba umuhondo

Hagati ya 90% na 95% by'abakuze banduye Hepatite B, umubiri wayo ushobora kuyikira batanyweye imiti mu gihe cy'amezi 6 ndetse bagahita babona ubwirinzi buzayirwanya ubuzima bwabo bwose.

Gusa bamwe mu banduye, umubiri wabo ntushobora kuyirwanya ndetse ihinduka chronique cyangwa karande.

Abafite ibyago byo kurwara Hepatite B ubuzima bwabo bwose harimo abana bato cyane kuva ku kwezi kumwe kugeza ku myaka 4.

Hepatite B itavuwe ishobora gutera ibyago byinshi ku buzima harimo kumagara k'umwijima cyangwa Kanseri y'umwijima.

Soma n'iyi:

Sobanukirwa Hepatite A, uko yandura, ibimenyetso byayo, uko ivurwa ndetse n'uko wayirinda