APR FC yasinyishije umunya-Ghana ukina hagati

APR FC yasinyishije Richmond Lamptey, umunya-Ghana ukina hagati mu kibuga, avuye muri Asante Kotoko S.C y’iwabo. Yasinye amasezerano y’imyaka ibiri.

Uyu mukinnyi w’imyaka 27 y’amavuko asanzwe akina hagati mu kibuga ariko afasha ba rutahizamu.

APR FC yamusinyishije amasezerano y’imyaka ibiri nk’uko byari byatangajwe mbere n’umunyamakuru Micky Jnr uri mu bakomeye mu gutangaza amakuru yo ku isoko yabitangaje.

Amakuru ava muri Ghana aremeza ko Lamptey aza kuba ari we mukinnyi uhembwa menshi ku kwezi muri APR FC, asanga miliyoni 7 FRW.

Lamptey yari amaze imyaka 3 akinira Asante Kotoko.Nubwo yagize imvune nyinshi yabaye inkingi ikomeye ubwo iyi kipe yatwaraga shampiyona ya 2021.

Uyu yahamagawe mu ikipe ya Ghana yari mu gikombe cy’Afurika cyabereye muri Cote d’Ivoire.

Ibinyakakuru byo muri Ghana byanditse ko yaguzwe ibihumbi 150 $ arenga gato miliyoni 200 FRW.

Mu mikino 17 yakinnye muri shampiyona yatanzemo 5 yavuyemo ibitego.

APR FC ihanze amaso isoko rya Ghana ndetse hari amakuru avuga ko iyi kipe igiye gusinyisha abandi bakinnyi babiri bo mu ikipe yatwaye igikombe cya shampiyona y’icyiciro cya mbere muri Ghana yitwa Samartex FC.

Abo barimo Seidu Dauda w’imyaka 23, na Ebenezer Acquah w’imyaka 25.

Hagati aho,Aliou Souane wo muri Senegal niwe ukurikira gusinyira APR FC kuko yamaze gutsinda ikizamini cy’ubuzima.

Uyu myugariro yatowe nk’uwahize abandi mu mwaka w’imikino ushize mu ikipe ye ya ASC Jaraaf muri Senegal.