M23 yafashe Kanyabayonga n’utundi duce tuyegereye

Nyuma y’intambara zari zimaze iminsi itari mike, Umujyi ukomeye wa Kanyabayonga waraye wigaruriwe n’inyeshamba za M23, umutwe uhanganye n’igisirikare cya leta ya Repubulika ya Demokarasi ya Congo (DR Congo).

Ibinyamakuru byo muri iki gihugu byanditse ko uyu mujyi wafashwe ejo ku wa gatanu hafi saa kumi n’igice (16h30), mu masaha yo muri icyo gihugu, ni ukuvuga saa kumi n’imwe n’igice (17h30) mu masaha ya Gitega na Kigali.

Ifatwa ry’uyu mujyi uri ku birometero bisaga 100 mu majyaruguru y’umurwa mukuru w’intara ya Kivu ya Ruguru, Goma, ryafunguye inzira igera mu mijyi ya Butembo na Beni mu majyaruguru, aha hakaba ari muri teritwari ya Lubero muri iyo ntara.

Ejo ku wa gatanu kuva mu gitondo, havuzwe intambara zikaze cyane mu nkengero za Kanyabayonga hagati y’igisirikare cya DR Congo (FARDC) n’inyeshamba za M23,mbere y’uko zigarurira uwo mujyi ku mugoroba.

Mbere y’aho, inyeshamba za M23 zari zigaruriye ibice bya Miriki na Kikama ku wa kane.

Amashusho yacishijwe ku mbuga nkoranyambaga, yerekana izi nyeshamba zinjira mu mujyi,bamwe mu baturage bazikomera amashyi.

BBC dukesha iyi nkuru ivuga ko ikigerageza gushaka abategetsi ba DR Congo hamwe n’abayobora umutwe M23.