Rayon Sports ku mwanya wa mbere nyuma yo kwisasira Etincelles

Rayon Sports yatsinze umukino w’ikirarane yakinagamo na Etincelles FC igitego kimwe ku busa cyatsinzwe na Fall Ngagne. Ni umukino w’ikirarane cy’umunsi wa karindwi wa Shampiyona utarakiniwe igihe kubera ko Rayon Sports yari ifite abakinnyi benshi mu ikipe y’igihugu.

Kuri uyu wa Gatandatu itariki 9 Ugushyingo 2024 saa kumi n’ebyiri z’umugoroba Rayon Sports yakiriye Etincelles FC mu mukino w’ikirarane cy’umunsi wa karindwi wa shampiyona y’u Rwanda, Rwanda Premier League 2024-25.

Ni umukino warangiye Rayon Sports itsinze Etincelles igitego kimwe ku busa, itsinda umukino wa gatanu yikurikiranya, ikomeza kugenda mu mwuka mwiza wo gutsinda.

Gutsinda uyu mukino bitumye ikipe ya Rayon Sports ifata umwanya wa mbere n’amanota 20, mu gihe ikurikiwe na Gorilla FC ifite amanota 18 naho Police FC iza aho hafi n’amanota 15.