yampano avuze ku bakurikiranweho ibyaha byo gusakaza amashusho ye y'urukozasoni amugaragaza asambana n'umukunzi we

Uworizagwira Florien wamamaye nka Yampano yashimishijwe bikomeye n’icyemezo cy’Urukiko rw’Ibanze rwa Kicukiro cyo gufunga iminsi 30 y’agateganyo abarimo Djihad n’abo bahuriye muri dosiye yo gusakaza amashusho ye ari gutera akabariro.

Ibi Yampano yabigarutseho mu kiganiro yakoranye n’uwiyita Godfather ku mbuga nkoranyambaga ku mugoroba wo ku wa 17 Ukuboza 2025.

Ati “Ni ibintu birenze bishimisha umuntu, ariko nanone icyo mpita ntekereza ni ukwibaza ngo ariko aba bantu iyo badakora ibi biba bigeze aha? Ntabwo ari ibintu byo kwishimira ngo mugenzi wawe bamufunze, ariko nanone ntabwo ari ibintu byo kwishimira ko mugenzi wawe abona amashusho y’ubwambure bwawe akayasakaza.”

Abo urukiko rwemeje ko bafungwaiminsi 30 y’agateganyo abarimo Uzabakiriho Cyprien uzwi nka Djihad, Ishimwe Patrick uzwi nka Pazzo Man, Ishimwe Francois Xavier na Kwizera Nestor ukunze kwiyita Pappy Nesta.

Uretse aba bagiye gukurikiranwa bafunzwe, Urukiko rw’Ibanze rwa Kicukiro rwarekuye Kalisa John uzwi nka KJohn na we wari muri iyi dosiye akaba agiye gukurikiranwa adafunze.

Aba bose batangiye gukurikiranwa nyuma y’uko Yampano atanze ikirego akurikiranye abakekwagaho gusakaza amashusho ari gutera akabariro n’umugore we.

Yampano n’umugore we ni bo bifashe aya mashusho ayabika kuri E-mail ye icyakora akavuga ko yaje gukurwaho n’uwitwa Ishimwe Patrick atangira kuyasakaza atyo.