Ikipe ya Neymar yahuye n’uruva gusenya bimusigira amateka mabi mashya

Ikipe ya Santos ikinamo Neymar yahuye n’uruva gusenya inyagirwa na CR Vasco da Gama ibitego 6-0, biba ibitego byinshi uyu mukinnyi atsinzwe mu mateka.

Ku Cyumweru ni bwo kuri MorumBIS Santos yari yakiriye CR Vasco da Gama mu mukino wa shampiyona y’icyiciro cya mbere muri Brazil. Uyu mukino warangiye CR Vasco da Gama ikinamo Philippe Coutinho inyagiye Santos ikinamo Neymar ibitego 6-0.

Muri ibi bitego harimo bibiri byatsinzwe na Coutinho aho kimwe yagitsinze ku munota wa 54 naho ikindi akagitsinda ku munota wa 62.

Nyuma yo kunyagirwa gutya Neymar yarize, amateka mashya ahita yandikwa aho uyu ari wo mukino ikipe akinira itsinzwe ibitego byinshi ari mu kibuga. Undi mukino ikipe akinira yatsinzwemo ibitego byinshi ari mu kibuga ni uwo Paris Saint-Germain yatsinzwemo na FC Barcelona ibitego 4-0 muri 2017.

Kugeza ubu Santos iri mu mwanya 15 muri shampiyona n’amanota 21 mu gihe CR Vasco da Gama Philippe Coutinho yo iri ku mwanya wa 16 n’amanota 19.