Niba ukora ibi menya ko urimo kwiyongerera ibyago byo kurwara Kanseri ya Prostate(Kanseri y'Amabya)

Kanseri ya porositate ni indwara ifata abagabo. Iyi ndwara ifata agace kitwa porositate, ikaba nayo ari imvubura ikora amatembabuzi yivanga n intanga bigakora amasohoro.

Kanseri ya porositate irangwa n’iki?

Iyo ugifatwa nta bimenyetso ubona. Gusa uko kanseri igenda ikura, bituma porositate ibyimba, bikagaragaza ibimenyetso bikurikira:

    Gushaka kunyara inshuro nyinshi cyane cyane nijoro
    Kutabasha gufunga inkari igihe ushakiye, ndetse zigatinda no kuza mu gihe uri kunyara
    Kunyara bicikagurika kandi utabasha gutungereza
    Gucikwa n’inkari mu gihe usetse cyangwa ukoroye
    Kunanirwa kunyara uhagaze
    Kumva uribwa cyangwa wokerwa uri kunyara cyangwa gusohora
    Kuzana amaraso mu nkari no mu masohoro.

Kanseri ya porositate iterwa n’iki? 

Kugeza ubu nk’izindi kanseri zose impamvu itera kanseri ya porositate ntizwi. Gusa ubushakashatsi bwagaragaje ko hari ibituma ibyago byo kuyirwara byiyongera.

    Kuba mu muryango harimo abayirwaye
    Kuba urengeje imyaka 60
    Gukorana imibonano mpuzabitsina idakingiye n’abantu benshi batandukanye
    Nubwo impamvu itazwi ariko abirabura bayirwara cyane kurenza abazungu
    Kurya ibinyamavuta byinshi
    Kuba urwaye diyabete
    Kuba warigeze kumenyera gukora imibonano nyuma ukabihagarika
    Aho utuye. Abantu batuye ahantu hashyuha cyane bibongerera ibyago
    Kuba unywa itabi.

Izi nizo mpamvu zongera ibyago byo kuba warwara iyi kanseri.
Kanseri ya porositate ivurwa ite?

Nka kanseri zindi zose, uburyo bwo kuvura iyi kanseri buri mu bice 3:

    Kubaga porositate igakurwamo burundu
    Gukoresha uburyo bwo gushiririza hoherezwa imirasire yo muri radiografi (X-ray).
    Gukoresha imiti irwanya kanseri mu gihe bibonetse ko ikiri ntoya.

Ni gute nakirinda iyi kanseri?

    Kunda kurya imboga, ibihumyo, imbuto, ibishyimbo n’ibitunguru
    Irinde amafiriti
    Gushaka umugore nabyo birayirinda kuko gusohora kenshi bigabanya ibyago byo kuyirwara
    Gabanya gufata vitamin E iza nk’ibinini ahubwo urye ibikungahaye kuri iyi vitamini, nabwo ntukabye
    Kora siporo byibuze 3 mu cyumweru
    Irinde izuba ryinshi kimwe n’ibindi byose bitera umubiri gushyuha cyane
    Gabanya kurya inyama zitukura, amagi no kunywa amata
    Kunda kurya inyanya mbisi
    Kunda guhekenya karoti no kurya izindi mboga zose zisa n’umuhondo na orange.

Ibi nubikurikiza uzaba uri kwirinda iyi kanseri.

IZINDI WASOMA:

Niba ujya ukoresha ururimi cyangwa watekerezaga kuzabikora urarye uri menge😭 Ibyo wamenya ku ndwara bahimba chou-fleur, iterwa na HPV, ikibasira cyane abakoresha ururimi mu gutera akabariro. 

Niba nawe ukora ibi menya ko urimo wihamagarira urupfu😭 Dore ibintu 7 byangiza impyiko cyane abantu bakunze gukora batabizi 

Nawe wabona ubikora! Dore ibintu 4 abantu bakora batazi ko byangiza cyane umwijima