Hari igihe umuntu aba atagukunda ariko ntabivuge mu magambo. Gusa imyitwarire ye ya buri munsi ishobora kukwereka ukuri. Dore bimwe mu bimenyetso 7 byagaragaza ko uwo muntu atagufitiye urukundo cyangwa inyungu mu mubano mufitanye:
1. Ntareba mu maso yawe: Iyo umuntu ahora atakureba mu maso cyangwa agaceceka igihe muri kumwe, bishobora kugaragaza ko atakwiyumvamo.
2. Imyitwarire y’ukwikanga no kwifata: Ntakwereka urugwiro cyangwa ngo agufate nk’umuntu wihariye. Aho kukwegera, ahora yifashe kandi atari bubashe kuganira na we mu mutuzo.
3. Ntajya atangira ibiganiro: Iyo umuntu agukunda, ahora ashaka kukuganiriza. Ariko iyo ubona wowe gusa ari wowe uhora utangiza ikiganiro, ni ikimenyetso cy’uko we ntacyo yumva akumarira.
4. Aguca mu ijambo cyangwa agasuzugura ibyo uvuga: Kutakubaha cyangwa kukuvugiramo kenshi bigaragaza ko atagufata nk’umuntu ufite agaciro.
5. Ntajya yita ku byo ashyira kuri social media: Iyo ubona umuntu ahora ari kuri internet ariko ntajya agaragaza ko yitaye ku byo ushyira hanze, bishobora kuba igisobanuro cy’uko
6. Avuga amagambo agusebya: Niba umuntu ahora akuvugaho amagambo agusebya, kabone n’iyo yaba atabyita isesereza, ni ikimenyetso cy’uko ataguha agaciro.
7. Aguha ibisingizo bivanze n’isesereza: Hari amagambo agaragara nk’ishimwe ariko arimo urw’amenyo. Urugero: “Uyu munsi urasa neza, sinari nzi ko ushobora kwiyitaho gutya!” Ayo ni amagambo yerekana ko atakwizera cyangwa atagufitiye icyubahiro
Ibi bimenyetso si ihame kuri buri wese. Bishobora guturuka ku rujijo, isoni, cyangwa ibibazo by’imibanire umuntu yaba afite. Ni byiza kuganira n’uwo muntu aho kugira ngo uhite ufata icyemezo.
Leave a Reply